Département d’Heure de Vie - صلاة أسبوع الوحدة

mar., 21 janv. 2020
Publié dans Primaire II

تلميذ ١: 

لـمـّا عَـصليـبَـك قلت ليوحنّا إنّو العدرا صارت إمّو، بـِلحظة خلّـيتنا كلنا نصير إخوتك، ووحّدتنا سوا.

تلميذ ٢:

من هيك، ببستان الزيتون، صلّيت حتّى تلاميذك يضلّوا سوا مجتمعين، وما يتفرّقوا أبدًا.

تلميذ ٣:

وتتعلّمنـا معنى الوحدة، نزلت عالأرض، وتجسّدت كرمالنـا، وصرت إنتَ وبيَّكْ واحد.

تلميذ ٤:

يـا يسوع، بعرف مدى حزنك لأنّـو ما حفظنـا وصيّتك، وصيّة المحبّة، وما عشناهـا متل ما بدَّكْ.

تلميذ ٥:

بدل ما نكون كنيسة وحدة، صرنا كنايس. وبدل ما نجتمع، تـْفرَّقنـا. بدل ما نحبّ بعضنا، بغضنا بعض.

تلميذ ٦:

يـا يسوع، يمكن بعد ما فهمنا معنى إنقسامنا. اعطينا الوعي والفهم حتّى نزعل على إبتعادنا عن بعض وإنقسامنا. اعطينا نتوجّع إنّـو نحنا كذا  كنيسة، مش كنيسة وحدة.

تلميذ ٧:

اعطينـا نشوف الحقيقة، واعطينا قوّة وشجاعة حتّـى ننتقد حالنـا، ونشيل من قلوبنـا كل شعور بالبغض  والحقد تجاه بعضنا.  

تلميذ ٨:

خلّينـا يـا يسوع، موارنة، سريان، كاثوليك، أورثوذكس، إنجيليّي...كلّنـا سوا نجتمع فيك، ونصلّي سوا،  ونرفع أصواتنا للسما، ونعبّــي قلوبنا من محبتـَك، تـَنصير صوت واحد، وقلب واحد، وكنيسة وحدة.

تلميذ ٩:

يـا يسوع، وعّـينا تـَنفهم إنّـو وحدك الطريق يلّـي بتودّي لكنيسة وحدة، لأنّـو وحدو صوتك هوّي صوت  الحقّ.

تلميذ 10:

يـا يسوع، نحنا تلاميذ الـﭭـال، تلاميذ إبنك أبونا يعقوب، شاهدين على الميّـة سنة يلّـي راحـوا... ميّـة سنة  أبونـا يعقوب وحّدَ بمدرستو كل الطوائف المسيحيّة، وساعد بلا ما يسأل عن دين أو بلد؛ منـوعدك نكون  عـرّابين الميّة يلـّي جايي، نحبّ بلا شروط، نصلّـي سوا كعيلة وحـدة، ونخبّــر عنّك وين ما كان. آمين.

لمزيد من الصور الرجاء الضغط على المرفق التالي: https://www.facebook.com/VPJSchool/

 

 

 

11.jpg
108 KB
Voir
111.jpg
72 KB
Voir
1111.jpg
115 KB
Voir

Nom
Titre
Commentaire